Արտադրություն` սեռական օրգաններից. morevmankan

Սեռական ուղիներից կարող են լինել ախտաբանական բնույթ կրող բնորոշ արտադրություններ, որոնք արտահայտվում են քանակի ավելացմամբ, գույնի փոփոխմամբ, կոնսիստենցիայով և հոտով:

Դասակարգում և կլինիկա

Տարբերում են ֆիզիոլոգիական և ախտաբանական դրսևորումներ:

Ֆիզիոլոգիական բնույթի դեպքում արտադրությունը բաց գույն ունի, զուրկ է սպեցիֆիկ հոտից, չկա սեռական ուղիների լորձաթաղանթի և մաշկի գրգռվածություն: Ընդ որում, դրանց քանակը կարող է ավելանալ սեռական ակտի ժամանակ, նախադաշտանային, հղիության, հետծննդյան և կաթնարտադրության շրջանում:

Ախտաբանական բնույթի դեպքում արտադրությունը ջրիկ կամ թանձր է, գույնը` կաթնա-սպիտակից մինչև դեղնա-կանաչավուն, երբեմն` արյան հետքերով, բնորոշ է վատ հոտը: Լինում է քոր, այրոց, տհաճ զգացողություն, կոնքային ցավեր, ցավ սեռական ակտի ժամանակ, դիզուրիա: Շեքի շրջանում մշտական խոնավություն է և առկա է մացերացիա:

Պառճառները

Հեշտոցային արտադրությունը տարբերակում են նաև ըստ առաջացման տեղի:

Փողերից արտադրությունը ֆալոպյան փողերի բորբոքման հետևանք է, որի ժամանակ դրանք՝ սերոզ կամ թարախային, նախ, կուտակվում և լցվում են արգանդի խոռոչ, հետո՝ հեշտոց: Այդ վիճակը կոչվում է հիդրոսալպինքս կամ պիոսալպինքս: Այս արտադրությունների պատճառը կարող է լինել նաև քաղցկեղը, որի ժամանակ դրանք ջրիկ են և արյունային:

Արգանդային արտադրություն լինում է հիմնականում էնդոմետրիտի ժամանակ (արգանդի լորձաթաղանթի բորբոքում) և թարախային բնույթի են, արգանդի չարորակ նորագոյացությունների ժամանակ՝ արյան հետքերով: Արտադրություն լինում է նաև պոլիպների, արգանդի միոմայի, նրա տեղադրության անոմալիաների, արգանդում պարույրի (սպիրալ) առկայության, գենիտալ տուբերկուլոզի ժամանակ:

Արգանդի վզիկից արտադրություն լինում է արգանդի վզիկի վարակների ֆոնի վրա են ի հայտ գալիս՝ բակտերիալ և վիրուսային ցերվիցիտներ, ինչպես նաև` սիֆիլիսի, տուբերկուլոզի, էնդոկրին և այլ հիվանդությունների ժամանակ: Դրանք լորձային կամ թարախային բնույթը են կրում: Պատճառները վզիկի պոլիպները և չարորակ նորագոյացություններն են: Այս դեպքերում արտադրություններն արյունային են:

Հեշտոցային արտադրություն, որպես օրենք, ի հայտ է գալիս բորբոքային գործընթացների ժամանակ՝ բակտերիալ, վիրուսային, սնկային: Դրանց բնույթը կախված է հարուցչի տեսակից: Պատճառներից են նաև վնասվածքի հետևանքով առաջացած խուղակները, բորբոքումները, ուռուցքաբանական գործընթացները, ալերգիկ և ատրոֆիկ վուլվովագինիտները:

Ոչ ճիշտ հիգիենայի արդյունքում արտադրությունը պայմանավորված է վուլվայի գեղձերի հիպերաշխատանքի, բարտոլինիտների, ինֆեկցիոն և ալերգիկ վուլվիտների, վուլվայի քաղցկեղի դեպքերում:

Սեռական օրգաններից արտադրության պատճառ կարող են լինել նաև ճարպակալումը, համակարգային էնդոկրին հիվանդությունները (շաքարային դիաբետ), հեշտոցային պատի իջեցումը:

Վերոնշյալ խնդիրների դեպքում պետք է դիմել հետևյալ մասնագետներին՝մանկաբարձ-գինեկոլոգ, մաշկաատովեներոլոգ, ուռուցքաբան, վիրաբույժ:

Հարցեր, պատասխաններ, մեկնաբանություններ